Наманган вилоят ҳокимининг биринчи ўринбосари Аюбхон Камалов 16 декабрь куни Туркиянинг Manas компанияси директори Корай Алтинел билан учрашув ўтказди. Бу ҳақда вилоят ҳокимлиги ахборот хизмати хабар бермоқда.
Учрашув давомида машинасозлик соҳасида ҳамкорлик қилиш масалалари муҳокама қилинди.
“Наманган вилоятида турк сармоядорлари билан ҳамкорликда кўплаб корхоналар ишлаб турибди.
“Наманган вилоятида турк сармоядорлари билан ҳамкорликда кўплаб корхоналар ишлаб турибди.
Шунингдек, лойиҳалаштириш ишларида ҳам турк компаниялари билан биргаликда бир қатор ишларни амалга оширмоқдамиз. Вилоятимизда кейинги пайтларда энергетика, кимё саноати, машинасозлик, қурилиш материалларини ишлаб чиқариш соҳалари жадал ривожланмоқда.
Мавжуд иқтисодий ва саноат зоналарида инвесторлар учун қулай шароитлар яратилган”, деди ҳоким ўринбосари.
Мавжуд иқтисодий ва саноат зоналарида инвесторлар учун қулай шароитлар яратилган”, деди ҳоким ўринбосари.
Фаолиятининг устувор йўналишлари машинасозлик, дастурий таъминотлар яратиш ва лойиҳалаш бўлган Manas компанияси айни пайтда Украина, Таиланд, Иордания, Эфиопия мамлакатларида қўшма корхоналарига эга.
“Ўзбекистон бизнинг ота маконимиз ҳисобланади. Туркия эса она юртимиз. Мақсадимиз ота юртимизда машинасозликни ривожлантириш. Ўзбекистоннинг миллий автомобиль брендини яратишда кўмак бериш. Сўнгги пайтларда мамлакатингизда амалга оширилган улкан ислоҳотлар бизни олдинга ундади”, деди Корай Алтинел.
Туркияликлар билан амалга оширилиши кўзда тутилаётган истиқболдаги лойиҳа юзасида маълумотлар алмашилди. Компания вакилларининг ташрифи давом этмоқда.
