Туркия қурилиш пудратчилари бирлашмаси 2016 йил якуни бўйича турк қурилиш ширкатларининг хорижда қўлга киритган буюртмалари бўйича ўз ҳисоботини эълон қилди.
Ҳисоботда, турк қурилиш ширкатлари 2016 йилда қўлга киритган янги лойиҳаларнинг умумий қиймати 10,1 миллиард АҚШ доллари миқдорида эканлиги, дунёда мавжуд иқтисодий ва геосиёсий муаммоларни назарда тутганда бу кўрсаткич аввалги йиллардагидан паст бўлса ҳам, эътирофга лойиқлиги билдирилган.
Турк қурувчилари қўлга киритган лойиҳаларнинг 20,8 фоизи Қатарда бўлса, 8,5 фоиз буюртмалар Ўзбекистонда экани ва бу миқдор билан Ўзбекистон хорижий буюртмалар олинган давлатлар орасида иккинчи ўриндалиги таъкидланган.
