Обаманинг сўзи қадрли эмиш – 20 000 000$

Article
Митти оролда ҳордиқ чиқариб, ҳаётдан завқ олаётган Барака Обама Америка президентлари орасида автобиографик асари учун учун энг катта қалам ҳақи олган шахсга айланиши мумкин. Бу борада катта тажрибага эга мутахассисларнинг таъкидлашларича Обамага бўлган қизиқиш жуда кенг миқёс касб этади. Шу боис унинг ўтган кунларини билишни истовчилар аввалги раҳбарларникига нисбатан кўп бўлади.
International Creative Management Partners агентлиги ноширлик гуруҳи раҳбари Эстер Ньюберг Обама учун камида 20 миллион доллар ҳақ таклиф этилиши мумкинлигини таъкидламоқда.
АҚШ президентлик институтини ўрганувчи Принстон университети тарихчиси Жулиан Зелизер ҳам шундай фикрда. Унинг айтишича, Обамага китоб учун Билл Клинтон ёки кичик Жорж Бушдан кўра кўпроқ тўлашади. Буш 2010 йилда нашр этилган ва 2,6 миллион ададда тарқалган “Ҳал қилувчи қарор” китоби учун 7 млн. доллар ҳақ олган. Клинтон эса Американинг барча президентлари орасида бу борада рекорд ўрнатган. 2001 йилда 2,2 млн. нусҳада чоп этилган “Менинг ҳаётим” китоби орқасидан Клинтон 15 млн. доллар ишлаб олганди. Шунингдек, Обаманинг хотини Мишель ҳам ёзувчилик орқасидан яхши пул топиши мумкин. Хиллари Клинтон  “Тирик тарих” дея номланган автобиографик асари учун 8 миллион доллар қалам ҳақи олганди. Мишелнинг имкониятлари уникидан юқори баҳоланмоқда 

Биз Twitterда