Американинг Apple Inc. корпорацияси эски смартфонларда ишлаш секинлашгани учун iPhone эгаларининг судга мурожаат қилишларини олдини олиш мақсадида 310 - 500 миллион доллар атрофида компенсация тўлашга тайёр. Бу ҳақда Reuters хабар қилмоқда.
Бу қарор АҚШ округ судьяси Эдвард Давила томонидан, Калифорния штатида, Сан-Хоседа тасдиқланди. Келишув доирасида Apple смартфоннинг ҳар бир эгасига 25 доллардан тўлаб беради. Бу ўринда тўлов ортиши ёки камайиши мумкин.