31 миллион $:  Наманганда меҳмонхона, гипермаркет ва  бизнес маркази қурилмоқда

“Merrymed Farm” МЧЖ томонидан Наманган шаҳри шимолий айланма йўлида 6,5 гектар майдонда меҳмонхона, гипермаркет, ресторан, бизнес маркази, 16 қаватли турар жой, замонавий клиника ва болалар боғчасидан иборат комплекс барпо этилмоқда.
 
 
Қурилиш ишлари 2019 йилда бошланган бўлиб, комплекс  тўла қувват билан ишга тушгач 400 га яқин янги иш ўринлари яратилади. Лойиҳанинг умумий қиймати 31 млн. АҚШ долларини ташкил этади.
 
 
—Маҳаллий тадбиркорларимиз шундай йирик лойиҳаларга қўл ураётгани фақат таҳсинга лойиқ. Уларнинг амалга оширилиши Наманган шаҳрининг замонавий мегаполислар қаторидан ўрин олишини тезлаштиради. Қолаверса, бу ер хос янги туризм манзилларидан бирига айланади, — деди иш жараёни билан танишган Наманган вилоят ҳокими Хайрулло Бозоров.
Мазкур лойиҳанинг биринчи босқичи 2021 йил 3-чоракда ишга туширилиши режалаштирилган.

Биз Twitterда