Россия президенти Владимир Путин мамлакат спорти, маданияти ва санъати ривожига улкан ҳисса қўшаётган Алишер Усмонов ва "РЕНОВА" компаниялар гуруҳи" директорлар кенгаши раиси Виктор Вексельбергларнинг хизматларини муносиб тақдирлади. Путин уларга "За благодеяние" (Хайрли ишлари учун) кўкрак нишонларини топширди. Бу ҳақда Россия давлат раҳбари матбуот котиби Дмитрий Песков хабар берди.
Усмонов, Вексельберг ва бошқа қатор тадбиркорларни "За благодеяние" кўкрак нишони билан тақдирлаш тўғрисидаги фармон 2016 йил июнь ойида имзолаган. Улар "саҳоватпешаликлари ва серқирра ижтимоий фаолиятлари учун" тақдирланишган.
