Бугун бутун Европа иқтисодиётида пасайиш кузатилмоқда. Бу тенденциялар 2014 йилда Россия нисбатан жазо чоралари қўллана бошлангандан кейин авж олгани бор ҳақиқат. Чунки йирик савдо майдонидан маҳрум бўлган тадбиркор, ишбилармон ва фермерлар ўз бизнесларида йўқотишларга учрашмоқда. Иш ўринлари камайиб, савдо ҳажми тушиб бораётгани сир эмас. Айнан шу манзарада Россияда пастроқ суръатларда бўлса ҳам барқарор ўсиш кузатилаётгани қўлланилаётган жазо чоралари қитъанинг ўзигагина зиён эканлигидан далолатдир. АҚШ-Россия муносабатларидаги янги босқич Европани ўз қарашларини қайта кўриб чиқишга мажбур қилмоқда.
«Жазо чораларидан воз кечиш вазиятни тубдан ўзгартириши табиий. Агар, АҚШ шундай қарор қабул қиладиган бўлса, Европа Иттифоқи ҳам буни узоқ ушлаб тура олмайди. Чунки, Францияда Россия билан алоқаларни мустаҳкамлаш тарафдорлари тобора ортиб бораётганини кўриб турибман. Йирик доиралар Россияга қарши санкциялардан воз кечишга ҳукуматни жиддий равишда чорлашмоқда», - дейди Россиянинг Франциядаги элчиси Александр Орлов.
Орловнинг фикрича, Франция сиёсий жазо чораларининг ташаббускорларидан кўра кўпроқ жабр тортмоқда.
Европа дипломатиясининг раҳбари Федерика Могерини АҚШ ва ЕИ ўртасида Россияга қарши санкциялар борасида ягона ёндашувнинг йўқлиги вазиятни ўта қалтис даражада қолишига замин бўлаётганини таъкидлашдан чарчамаяпти.
