Уйғуристонга 2017 йилда 218 миллиард доллар сармоя киритилади

Article
Хитой мухтор ҳудуди ҳисобланган Уйғуристон иқтисодиётига бу йил 1,5 триллион юандан ортиқ (тахминан 218 миллиард доллар) сармоя киритилади. Бу ўтган йилгига нисбатан 50 фоизга кўпдир. Бу ҳақда маҳаллий ҳукумат фаолияти ҳақидаги ҳисоботга таяниб Синьхуа ахборот агентлиги хабар қилди.
Ажратилган маблағлар ҳудуднинг транспорт тизимини ривожлантиришга, хусусан автомобил ва темир йўллари қуришга, аэропортлар ишно этишга сарфланади. Сув хўжалиги, энергетика ва алоқа соҳаларига ҳам инвестицияларнинг бир қисми йўналтирилади.
Айнан транспорт алоқаларининг яхши ривожланмаганлиги Шарқий Туркистон ўлкасининг тараққиётини секинлаштираётгани Пекин томонидан эътироф этилмоқда. Чунки 1,6 млн кв. кмдан иборат бўлган Шинжон-Уйғур мухтор ўлкаси ҳудуди Хитой умумий ер майдонининг 1/6 қисмини ташкил этади. Йўл инфратузилмасини ривожлантириш ислоҳотларнинг тезлашишига ёрдам қилиши кутилмоқда.

Биз Twitterда