Терма жамоада эрта дебют қилган дарвозабонлар – top-5

Дарвозабон - ярим жамоа. Дарҳақиқат, сўнгги нуқта ишончли қўлларда бўлса, бу мураббий учун ҳам, майдондаги футболчилар  учун ҳам муҳим аҳамият эга. Бундай чарм қўлқоп усталари сирасига Лев Яшин, Жино Зофф, Петер Шмейхел, Оливер Кан, Дэвид Симен, Жанлуиджи Буффон ва бошқа афсоналарни қўшиш мумкин. Лекин буларнинг бари терма жамоада эрта дебют қилиш борасида қуйидаги посбонларчалик мақтана олишмайди.
 
 
Жанлуиджи Доннарумма. Умуман олганда Италияда дарвозага ёшларни қўйиш одат тусига кирган.  Миланлик вундеркинд терма жамоа либосини кийганида 17 ёшга тўлганди. Айни пайтда ушбу ёш иқтидор “Милан” ва Италиянинг умиди ҳисобланади.
 
 
Игорь Акинфеев. Россия терма жамоасининг собиқ сардори халқаро аренадаги фаолиятини жуда эрта бошлаган. 2003 йилда бош жамоада чақириқ олган Игорь 2004 йилда 18 ёшида терма шарафини илк бор ҳимоя қилган. 
 
 
Тибо Куртуа.  2011 йилнинг кузида  19 ёшли Тибо Куртуа илк бора  Бельгия термаси либосини кийди. Ўшанда  "қизил иблислар"нинг рақиби французлар бўлганди.
 
 
Петр Чех.  Футболдаги энг машҳур "танкчи"  жуда эрта донг таратган. Петр 19 ёшида Чехия термасида ўйнай бошлаган. 
 
 
Андре Онана. Амстердамнинг "Аякс"  клуби қаҳрамонларидан бири бир неча йилдан бери Камерун терма жамоаси шарафини ҳимоя қилиб келади.  Андренинг дебюти 2016 йилга тўғри келганди. Ўшанда у 20 ёшда эди.
 

Биз Twitterда