Олма Ота-Тошкент йўналишида тезюрар поезд қатнови бошланди

Бугун "Олма Ота-2" вокзалида  кенг кузовли янги модификациядаги «Тулпор-Talgo» вагонларидан иборат №1/2 халқаро йўловчи поездининг Олма Ота—Тошкент йўналиши бўйича қатновини бошланиши муносабати билан тантанали тадбир бўлиб ўтди. Тадбирдан сўнг 29 вагондан иборат "Тулпор-Тальго" йўловчиларга намойиш этилди. Қозоғистонда ишлаб чиқарилган вагонларнинг кенглиги 25, баландлиги 22 сантиметрга оширилган. Йўловчилар учун қулайликларга эга.
 

Қатновлар Олма Отадан душанба ва шанба, Тошкентдан сешанба ва якшанба кунлари амалга оширилади. Йўлга сарфланадиган вақт 16 соат 30 дақиқани ташкил этади. Қатнов йўлидаги тўхташ жойлари: Отар, Чу, Тараз, Чимкент, Сариагаш ва Тошкент.
23 февраль куни Тошкентда Қозоғистоннинг «НК КTЖ» АЖ темирйўл компанияси ва «Ўзбекистон темир йўллари» АЖ делегациялари учрашуви бўлиб ўтиб, унда икки мамлакат ҳукуматлари ўртасида Олмаота-Тошкент йўналишида қатновчи №1/2 халқаро йўловчи поездини ишга тушириш тўғрисида эришилган келишувнинг техник жиҳатлари муҳокама қилинганди.
 

Биз Twitterда