фото: http://www.tadviser.ru
Россиянинг энг йирик техник олийгоҳларидан бири – “МИСиС” миллий тадқиқий технология университети ўзининг 2001 йилдан бери Тожикистон пойтахти – Душанбеда фаолият кўрсатаётган филиалидан кейинги иккинчи хорижий бўлинмасини факультет сифатида Олмалиқ шаҳридаги лицейлардан бирининг негизида очади. Бу ҳақда Podrobno.uz хабар қилади.
Ўтган даврларда Москва пўлат ва қуймалар институти номи остида фаолият олиб борган бу олийгоҳ (МИСиС – бу “Московский институт стали и сплавов”нинг қисқартмаси) 1993 йилдан давлат технология университети мақомида таълим бериб келади.
Университетнинг асосий таълим йўналишлари бу – рангли ва қора металларга ишлов беришда юқори технологиялардан фойдаланиш, металларни сертификатлаш ва уларнинг экологияси, метал ва қуймаларнинг ўзига хослиги, соҳа бошқаруви, информатика, иқтисодиёт кабилардир.
