Нью-Йоркда АҚШнинг сайланган президенти Дональд Трампга қарши митинг бўлиб ўтди. Инаугурация маросимига бир кун қолганда ўтказилган норозилик намойишида шаҳар мэри Билл де Блазио, Голливуд юлдузлари Роберт Де Ниро, Марк Руффало, Алекс Болдуин, режиссёр Майкл Мур ва қўшиқчи Шерлар иштирок этишди, дея ёзади РИА Новости.
Кўчаларга бир неча минг одам чиқди. Улар республикачи президентнинг қароргоҳи - Trump Tower осмонўпар биноси яқинида тўпландилар.
Намойишда сўз олган Роберт Де Ниро Трампни “мамлакат учун ёмон намуна” эканлигини таъкидлади. Дональд Трамп сайловларда ғалаба қозонганидан сўнг АҚШнинг йирик шаҳарларида унга қарши норозилик намойишлари бўлди. Намойишларнинг асосий ўчоғи сифатида Нью-Йорк, Атланта, Портленд, Сан-Диего ва Роял Оак шаҳарларини эътироф этиш мумкин.
АҚШнинг сайланган президенти инаугурацияси бугун, 20 январь куни бўлиб ўтади. Бу ҳақда тезкор маълумот олишни истасангиз “Водиймедиа”ни кузатиб боринг.
