"Нурчилар" диний оқими аъзолари АҚШ Конгресси ва барча Америка давлат идораларида фаолият юритаётгани маълум қилинди

 
Ўзбекистонда ташкил этилган турк лицейлари орқали давлат ичида давлат шакллантиришга уринган Нурчилар диний оқими раҳбари Фетхуллаҳ Гюлен ва унинг таълимоти орқасида АҚШ махфий хизматлари тургани аниқлангач, 1999 йилда барча турк таълим муассасалари Ўзбекистонда ёпилганди, у ердарда фаолият юритганлар Ўзбекистондан чиқариб юборилганди.
Айнан Фетхуллаҳ Гюлен ва унга эргашганлардан иборат ФЕТЎ террор ташкилоти ўтган йили июлда Туркияда давлат тўнтариши билан ҳукуматни ағдаришга уринганди.
Замонанинг зайлини қарангки, Фетхуллаҳ Гюлен ўз муридларини фақатгина Туркия ва Туркий давлатларда турли юқори мансабларга келтиришга уришиш билан чегараланиб қолмаган экан.
АҚШ Конгресси, суд-ҳуқуқ органларида, деярли барча Америка давлат идораларида ФЕТЎ террор ташкилотига аъзо бўлган шахслар фаолият юритаётгани маълум бўлди. Бу қандайдир журналистнинг ёки экспертнинг шахсий фикри эмас, бу маълумот Туркия ташқи ишлар вазири Мевлют Чавушоглу тарафидан эълон қилинди.
“Бизга қарши ўйналган ўйинларни жуда яхши тушуниб турибмиз. Бугун ФЕТЎ АҚШда нималар қилаётганидан ҳам хабардормиз. ФЕТЎ Америка давлат идораларига қандай сизиб кираётганини ҳам яхши биламиз. Бу нарсани
АҚШнинг юзига айтяпмиз, орқасидан гапирганимиз йўқ. ФЕТЎ аъзолари АҚШнинг Туркиядаги дипломатик миссияларига ҳам, АҚШ Конгресси ва барча Америка давлат идораларига кириб улгурган. Кимлардир ФЕТЎдан фойдаланяпти ўз манфаати йўлида, ФЕТЎ бировлардан фойдаланяпти. Буларни барини бизнинг миллатимиз кўриб турибди ва яхши англаб етяпти...” дея баён қилди Антальяда Маданият марказининг тамал тошини қўйиш маросимида нутқ сўзлаган Мевлют Чавушоглу.

Биз Twitterда