Ўзбекистон Давлат ҳокимияти ва бошқаруви органлари фаолиятининг очиқлигини таъминлаш фаолиятни мувофиқлаштириш ва мониторингини олиб бориш бўйича жамоатчилик кенгашининг расмий сайтида Давлат ҳокимияти ва бошқаруви органлари фаолияти “очиқлиги индекси”нинг рейтинги эълон қилинди.
Умумий рўйхатдан давлат органларининг 47 та сайти ўрин олган бўлиб, уларнинг фаолияти бир неча йўналишларда кенгаш экспертлари томонидан мониторинг қилинган. Унинг натижасига кўра маҳаллий бошқарув органлари сайтлари орасида Тошкент шаҳри энг кўп балл тўплаган ҳолда биринчи бўлди. Наманган вилоят ҳокимлигининг Namangan.uz расмий сайти эса иккинчи поғонадан жой олди. Умумий рейтингда эса Наманган бир қатор вазирлик ва қўмиталарга қарашли веб-ресурсларни ортда қолдириб, 17-ўриндан жой олди.
Жамоатчилик кенгаши давлат ҳокимияти ва бошқаруви органлари фаолиятининг очиқлигини ошириш, жамоатчилик назорати механизмларини ривожлантириш жараёнларига кўмаклашиш бўйича комплекс чора-тадбирларни амалга ошириш мақсадида Ўзбекистон Республикаси Вазирлар Маҳкамасининг 2015 йил 6 ноябрдаги 320-сонли Қарори асосида ташкил этилган бўлиб, бир қатор йўналишларда давлат органлар сайтларини мониторинг қилиб баҳолайди ва “очиқлик индекси” рейтингини аниқлаб боради.
