«Ҳаво милтиғидан ўқ отиш» спорт тури бўйича Республика кубоги иккинчи босқич мусобақаларига Наманган шаҳри мезбонлик қилмоқда. Ўзбекистон мудофаага кўмаклашувчи «Ватанпарвар» ташкилоти ҳамда бир қатор ҳамкор ташкилотлар ташаббуси билан ўтказилаётган турнирда Қорақалпоғистон, вилоятлар ва Тошкент шаҳридан ташриф буюрган жами 116 нафар 18 ёшгача бўлган спортчи ёшлар иштирок этмоқда.
Таъкидлаш керакки, беш кун давом этадиган мазкур мусобақа 2018 йилда ўтиши режа қилинган ёшлар ўртасидаги олимпия ўйинлари ҳамда шу йил май ойида Германияда ўтадиган жаҳон чемпионати мусобақаларига спортчиларни саралаш вазифасини ўтайди.
Темурмалик ВОҲИДОВ
