Норвегиялик машҳур чанғичи, Олимпия чемпиони, етти карра жаҳон чемпионатлари олтин медали соҳибаси 28 ёшли Тереза Йохауг унга нисбатан қўлланилган 13 ойлик дисквалификация жазо чораси нотўғри эканлигини таъкидламоқда. Бу ҳақда VG порталига берган интервьюсида маълум қилди.
"Мен спорт натижаларимни яхшилаш учун ҳеч нарсадан фойдаланмаганман. Жамоа шифокори тавсия этган лаб бўёғидан фойдаланганман холос. Буни Норвегия антидопинг агентлиги вакиллари билиб туришибди. Шу сабабли мен уларнинг бу қарорларига қарши адвокатим билан курашаман”, - деди Йохауг.
"Мен спорт натижаларимни яхшилаш учун ҳеч нарсадан фойдаланмаганман. Жамоа шифокори тавсия этган лаб бўёғидан фойдаланганман холос. Буни Норвегия антидопинг агентлиги вакиллари билиб туришибди. Шу сабабли мен уларнинг бу қарорларига қарши адвокатим билан курашаман”, - деди Йохауг.
Жума куни Норвегия антидопинг агентлиги ундан 2016 йил октябрида олинган допинг-намуна ижобий чиққанлиги учун спортчини 13 ойга мусобақалардан четлатганди. Бу можарода барча айбни бўйнига олган Норвегия терма жамоаси шифокори Фредрик Бендиксен истеъфо берди. Чунки айнан у Йохаугга лабларга сурталувчи фойдали бўёқни тавсия этганди. Унинг таркибидан эса таъқиқланган моддалар чиққан.
