«Президент Алмазбек Атамбаев тез-тез ўз бойлиги ҳақида сўзлайди. Яқинда Хиндистонда бу хақда гапирди. Ундаги бу бойликлар қаердан келган, уларни қандай ишлаб топган?», - дея ўз фикрини ўртага ташлади Бишкекда бўлиб ўтган матбуот анжуманида «Ата Мекен» парламент фракцияси раҳбари Омурбек Текебаев.
"Атамбаев бу бойликни унга худо берди, деб айтди. Тушунмадим. Биз биламизки, депутат Осмонбек Артикбаев ўз пулларини дори-дармон сотиш билан, парламент спикери Чинибай Турсунбеков ун сотиш билан, бошқа яна бир депутат Омурбек Бабанов ёқилғи сотиш билан топишган. Атамбаев бўлса нима ишлаб чиқаради ёки сотади?", - давом эттирди ўз сўзини сиёсатчи.
Текебаев “Маданият ва ахлоқ йили”да у президентга бундай катта маблағларни қаердан келганини, нечта иш ўринларни яратгани, қанча солиқ тўлагани ҳақида маълумот беришни сўраб мурожаат қилиш ниятида. "Президент нималарни ишлаб чиқаришини айтиб берсин. Тилломи? Тикувчилик цехлар эгасими, тарвуз ёки яна бирор нарса етиштирадими?", - қўшимча қилди Текебаев.
Сиёсатчи Атамбаев бир неча фирмалар эгаси эканини айтди, масалан, собиқ "Киргизавтомаш" заводи ва бошқалар. у бу хақда ахборот тўплашга харакат қилганини таъкидлади. "Атамбаев ушбу компанияларда ҳеч қандай акция ёки улушига эга эмас. "Автомашрадиатор"га ҳам алоқаси йўқ. Ўз вақтида хусусийлаштирилган ер ва заводлар сотилиб кетган", - дейди сиёсатчи.
Текебаев, президентга гўёки худо берган бойликлар 2010 йилдан сўнг пайдо бўлган, деб айтди. Унинг фикрича, яқин орада Алмазбек Атамбаевнинг бойлик сирлари очилади.
