Франциянинг Сенлис шаҳри яқинидаги автотрассада йирик автоҳалокат содир бўлди. Таниқли қўшиқчи Женифер Бартоллининг микроавтобуси ва автомашинанинг тўқнашуви натижасида икки киши ҳалок бўлди. Қурбонлардан бири жазоирлик футболчи Юсеф Туати бўлиб, у авваллари Франциянинг "Дижон", "Истр", "Тур" ва "Ред Стар" клубларида тўп сурган. 27 ёшли футболчи билан унинг 23 ёшли ҳамроҳи бўлган аёл ҳам дунёдан кўз юмган.
Футболчи бошқарувида бўлган автомобиль Брюсселдан концерт бериб Парижга қайтаётган қўшиқчининг микроавтобуси билан катта тезликда тўқнашган. Бартолли ҳам, унинг шериклари ҳам ҳеч қандай жабр кўрмаган.
