Туркия президенти Режеп Тайип Эрдоған конституцияга ўзгартиш киритиш бўйича референдум якунланганидан сўнг мамлакат парламентидан ўлим жазосини қайта жорий этишни кутмоқда. Бу ҳақда Agence France-Presse агентлиги бугун хабар берди.
"Жабрдийда оилалар, бизнинг қаҳрамонларимиз оилалари хотиржам бўлишсин. Мен ишонаман, ўлим жазосини қайта тиклаш бўйича парламент сизларнинг талабингизни 16 апрелдан кейин албатта қондиради", - дея Эрдоғаннинг сўзларини келтиради агентлик. Шунингдек, президент бу қонунни “иккиланишсиз” тасдиқлашини маълум қилди.
Ўтган йилнинг 16 июлидаги давлат тўнтаришига уринишдан сўнг, жамоатчиликнинг бир қисми Туркияда ўлим жазосини қайта жорий қилишни ўртага ташлаганди.
