Электр таъминотида муаммо бўлмайди! Мирзиёев 42 та янги ГЭС қуриш ҳақидаги қарорни имзолади

Ўзбекистон президенти Шавкат Мирзиёев “2017-2021 йилларда гидроэнергетикани ривожлантириш тўғрисида”ги қарорни имзолади. Бу ҳақда Ўзбекистон Республикаси Президенти матбуот хизмати хабар бермоқда. 
 

“Ўзбекистонда 2017-2021 йилларда, 42та янги гидро электро станциялар қурилиши ва 32 та амал қилаётган ГЭСларни замонавийлаштириш режалаштирилган”, - дейилган президент қарорида.
Республикада гидроэнергетика ривожланишининг қуйидаги устувор йўналишлари белгиланган:  қайта тикланадиган энергия манбаалари ҳисобидан, янги генерация қувватлари яратиш ва мавжуд қувватларни янгилаш;
ҳар тарафлама асосланган илмий-техник ечимлар асосида катта, ўрта, кичик ва микро ГЭСлар қуриш билан Республика гидроэнергетика қувватини ошириш;  
Республика сув манбааларига ҳар томонлама эҳтиёткорона муносабатда бўлиш; бошқа давлатлар билан чегара ҳудудларида жойлашаган сув манбааларига оид халқаро шартномалар асосида қабул қилинган мажбуриятларни тўлиқ бажариш; 
Президент қарори, Республика энергетика балансида қайта тикланадиган энергия манбаалари миқдорини босқичма-босқич ошириб бориш ва шунинг асосида экологик тоза генерация манбаалари яратиш, мавжуд бўлган гидроэлектро станцияларни  техник ва технологик қайта жиҳозлаш, халқаро тажрибани ҳисобга олиб сув манбааларида самарали фойдаланиш, энергетика манбааларини ўзаро мутаносиблигини ошириш ва шунинг ҳисобидан аҳоли ва корхоналарнинг электр энергиясига бўлган талабини тўлиқ қондириш мақсадида қабул қилинган.

Биз Twitterда