Собиқ иттифоқ терма жамоаси сафида жаҳон чемпиони, Миллий хоккей лигаси (NHL) нинг «Ванкувер», «Флорида» ва «Нью-Йорк Рейнджерс» клублари собиқ ҳужумчиси, жаҳон хоккейи афсонаси Павел Буре АҚШ фуқаролигидан ўз ихтиёри билан воз кечди. Бу ҳақда RT хабар қилди.
Буре 1991-2003 йилларда NHL да иштирок этган ва ўзининг ёрқин ўйинлари сабабли Лиганинг Шон-шуҳрат залидан жой олишга эришганди.
Юлдуз хоккейчи ўзининг АҚШ фуқаролигидан воз кечиш сабабини айтиб ўтиришни лозим кўрмади.
Буре билан биргаликда яна бир гуруҳ машҳур кишилар АҚШ паспорти кўтариб юришдан воз кечишди. Улар орасида дунёнинг энг биринчи молекуляр тадқиқотчиларидан бири, Genome Valley технорарки асосчиси Кришна Элла, Буюк Британия ташқи ишлар вазири Борис Жонсон ва немис Гогенцоллерн-Зигмаринген князлиги валиаҳди Александр Фридрих Антониус Йоханесс фон Гогенцоллерн кабилар бор.
