Бу тупроқларнинг келажагини минтақа давлатлари белгилаши керак: Бокуда ўтказилган халқаро симпозиум баёноти

 
Озарбайжон пойтахти Бокуда Yeni Çağ Medya гуруҳи, Озарбайжон-Туркия Уйи ҳамда Туркия-Озарбайжон тадбиркорлари ва саноатчилари Палатаси ҳамкорлигида ташкил этилган “Минтақанинг келажаги: Геополитик чақириқлар ва истиқболлар” номли Халқаро симпозиум бўлиб ўтди.
Катта эътибор жалб этган симпозиум ишида Россия, Туркия, Қозоғистон, Грузия, Шимолий Кипр ва Озарбайжондан кўплаб экспертлар, журналистлар ва сиёсатчилар иштирок этдилар.
 
 
Халқаро симпозиумни очиб берган Yeni Çağ Medya гуруҳи раиси, Агил Алесгер, бундай аҳамиятли тадбирни ташкил этишдан ўз ифтихорини таъкидлаб, қуйидагиларни айтди:
“Симпозиумни ташкил этишдан мақсадимиз шу: Агар минтақанинг тақдири белгиланадиган бўлса ва бу минтақанинг келажагига оид хариталар чизиладиган бўлса, буни минтақа давлатлари белгилаши керак. Бу сабабдан ҳаммамиз учун аҳамиятли бўлган масалаларни минтақада сўз ҳаққи бўлган давлатлар вакиллари иштирокида муҳокама қилишга қарор қилдик. Минтақамизнинг сиёсий, иқтисодий ҳамда ахборот хавфсизлигини таъминлаш бошқасининг эмас, ўзимизнинг вазифамиздир. Буюк иқтисодий лойиҳалар амалга оширилаётган, аҳамиятли стратегик жойлашувга эга бўлган минтақамизнинг қиймати кун сайин ортмоқда. Бу ҳолатда биздан бутун дунёдаги воқеаларга ва бизга алоқадор масалаларга янада кўпроқ эътибор билан муносабатда бўлишимизни талаб этмоқда.Матбуот вакили сифатида жамиятларимиз орасидаги алоқаларни тўғри йўналтирилган матбуот билан янада кучайтиришимизга ишонаман.”
Симпозиумда сўз олганларнинг баъзи аҳамиятли фикрлари билан танишинг:
Туркиянинг Озарбайжондаги элчиси Эркан Ўзорал: Бир неча кун аввал БМТда тарихий қарор қабул қилинишига гувоҳ бўлдик. 128 мамлакатнинг овози, адолатсизлик бир кун барҳам топишини амалда исбот этди. Бу тарихий овоз бериш жараёни бўлди. Барча давлатлар АҚШ томонидан таҳдид этилганди. Аммо натижа улар истагандай бўлмади.
Инсониятнинг тақдирини белгиловчи энг асосий тамойил бу – адолат тамойилидир. Бугун Озарбайжон катта бир адолатсизлик қаршисида турибди. Бизлар ҳар вақт Озарбайжоннинг ёнида бўлдик ва бўламиз. Аммо кеч бўлмасдан Қорабоғ муаммосига ечим топиш керак.
Озарбайжон-Туркия Уйи раиси Тензила Рустемханли: Тоғли Қорабоғ муаммосини ечишда Туркия ва Россиянинг ҳамкорлиги самарали бўлади.
Туркия-Озарбайжон тадбиркорлари ва саноатчилари Палатаси раиси Хюсейин Буюкфикрат: Минтақа мамлакатлари ўртасидаги диалогда Озарбайжоннинг ўрни ва аҳамияти катта. Озарбайжон ҳар доим турли миллат ва элатларга нисбатан бағрикенглик намойиш этиб келди. Бу мамлакат тез ривожланиш билан бирга маданиятларнинг марказига ҳам айланмоқда.
 
 
Симпозиумда шунингдек, Шимолий Кипрнинг Бокудаги вакили Уфук Турганер, Озарбайжон Матбуот кенгаши раиси Эфлатун Амашов ва кўплаб сиёсат ва матбуот вакиллари сўзга чиқдилар.
 Yeni Çağ Medya гуруҳи томонидан ташкил этилган Халқаро симпозиум иштирокчилари томонидан якдиллик билан қабул қилинган умумий хулоса шу бўлди: Бундан буён кучли бўлган ҳақ бўлмайди, ҳақ бўлган кучли бўлади!
 

Биз Twitterда