Бухоро ва Хоразм вакиллари Туркманистоннинг Лебап ва Тошҳовуз вилоятларига ташриф буюришди

Article
Ўзбекистон ва Туркманистон президентларининг топшириқларини амалга ошириш доирасида Бухоро ва Хоразм вилоятлари делегациялари 4—5 февраль кунлари Туркманистоннинг Лебап ва Тошҳовуз вилоятларига ташриф буюрди. Бу ҳақда Ўзбекистон ТИВ матбуот хизмати хабар бермоқда.
Ташриф доирасида икки мамлакатнинг мазкур ҳудудлари маъмурий раҳбарлари, ишбилармон доиралари ва жамоатчилик вакиллари иштирокида учрашув ҳамда музокаралар ўтказилди.
Томонлар қардош давлатлар ва халқлар ўртасида юқори даражадаги ишонч, ўзаро ҳурматга асосланган муносабатларнинг шаклланишидан мамнун эканликларини изҳор этди.
Минтақалараро даражада тўғридан-тўғри ва қалин шерикчилик алоқалари, хусусан, савдо-иқтисодий ва маданий-гуманитар соҳалардаги ҳамкорликни янада ривожлантириш муҳим аҳамият касб этиши таъкидланди.
Ўзбекистон делегациясига Лебап ва Тошҳовуз вилоятларида жойлашган ишлаб чиқариш корхоналари, маданий ёдгорликлар таништирилди.

Биз Twitterда