Бокуда вулқон отилди. Олов устуни 300 метрга етди!

Душанба куни Бокунинг Қоратоғ туманидаги Сангачал қишлоғи яқинда кучли вулқон ҳаракат келди. Бунинг натижаси улкан оловли устуннинг баландлиги 300 метрга етди, деб ёзмоқда 1news.az портали.
Озарбайжонлик олим Орхан Аббасовнинг таъкидлашича, Отман боздаг номли вулқоннинг отилиши, катта портлаш билан бошланган ва у бу жараён икки босқичда давом этган. Биринчи ҳаракат уч дақиқаю 23 сония, иккинчиси олти дақиқа давом этган. Иккинчи босқичда вулқон кратеридан кўтарилган оловнинг баландлиги 300 метрга етган. Унинг яқинида йирик ёриқлар пайдо бўлган.
Маҳаллий ҳокимият маълумотларига кўра, табиий ҳодиса туфайли қурбон бўлган ва жароҳат олганлар йўқ. Ушбу вулқон сўнгги марта 2004 йилда ҳаракатга келганди.

Биз Twitterда