Тошкентнинг Юнусобод туманида “Қозоғистон” кинотеатри яқинида пиёдалар ўтиш йўлагидан Амир Темур проспектини кесиб ўтаётган 33 ёшлик аёл 26 ёшлик АҚШ фуқаросининг машинаси тагида қолиб, ҳаётдан кўз юмди.
АҚШ фуқаросининг “Каптива” машинаси тагида қолган аёл, 7-шаҳар шифохонасига олиб келинди. Бироқ етказилган жароҳатларнинг оғирлиги туфайли 5 апрель куни эрталаб ҳаётдан кўз юмди. Бу иш бўйича суриштирув ишлари олиб борилаётгани маълум қилинди.
Асли Техаслик бўлган бу АҚШ “ковбойи” йўл ҳаракати қоидаларига амал қилганда эди, пиёдалар ўтиш йўлагидан ўтаётган аёлни кўриб тўхтаганда эди, ёш жувоннинг умрига зомин бўлмаган бўлар эди. Тасаввур қилинг, шу ҳолат АҚШда рўй бериб, Ўзбекистон фуқароси шундай қоидабузарлик билан АҚШлик бир аёлнинг ўлимига сабаб бўлганда нима бўларди! Аллақачон террор ҳаракатига айлантириб юборишган бўларди!
Бу жиноятчини қонунда кўрсатилган узоқ муддатга қамаш керакки, қолган бундай ўзидан кетган хорижликларга сабоқ бўлсин. Қолаверса, бу аёлнинг фарзандларининг тарбияси учун катта миқдорда моддий тазминот (компенсация) тўлатиш керак. Тошкент бу – Ўзбекистон, Техаснинг даласи эмаслигини англаб олсин америкаликлар!
