АҚШ давлат департаментида оммавий истеъфолар бошланди!

Article
АҚШ давлат департаментида оламшумул ўзгаришлар юз бермоқда. Бир вақтнинг ўзида бир нечта дипломатлар ўз лавозимларини тарк этишмоқда. Жумладан АҚШ давлат котибининг Европа ва Евросиё ишлари бўйича ёрдамчиси Виктория Нуланд ҳам истеъфога чиқарилди.
Ушбу америкалик дипломат ўз лавозимида ишлаган чоғида нимаси билан эсда қолди? Бу саволга жавоб бериш мушкул эмас. Нуланд Украина воқеаларида фаол иштирок этиб, мамлакатда 2014 йилги давлат тўнтаришларини амалга ошишига ўз "ҳиссасини" қўшди. 2013 ва 2014 йилларда у Киевга ташриф буюриб, норозилик намойишларини қўллаб-қувватлаганди. Шунингдек, ўз чиқишлари чоғидаги агрессив кайфиятдаги баёнотлари билан турли давлатларга қарши фикр билдирарди.
Виктория Нуланд ўз интервьюларида АҚШ 1991 йилдан бери Украинада “демократия” қуриш учун 5 миллиард доллардан ошиқ маблағ сарф этганини айтганди.
Ассошиэйтед Пресс маълумотларига кўра, Нуланд билан бирга, АҚШ давлат котибининг дипломатик хавфсизлик бўйича ёрдамчиси Грегори Старр ҳам ишдан кетмоқда. У 20 январь куни ишдан кетиш учун ариза берганди. Давлат департаментининг маъмурий-хўжалик ишларига жавобгар Патрик Кеннеди ҳам Оқ уйни тарк этмоқда.
Жон Керрининг яна икки ёрдамчиси – Мишель Бонд ва Жойс Баррлар 25 январ куни лавозимларидан озод этилганлар.
Айни пайтда ташқи сиёсат бўйича давлат котиби лавозими вазифасини, Америка дипломатларининг собиқ етакчиси Жон Керрининг ўринбосари Томас Шеннон бажариб турибди. Давлат котиби вазифасига тайинланган Рекс Тиллерсон Америка конгрессидан унинг янги лавозимга тасдиқлашларини кутиб турибди. 

Биз Twitterда