Акинфеев Яшиннинг рекордини янгилади!

Article
Москванинг ЦСКА ва Россия терма жамоаси голкипери Игорь Акинфеев дунёда «Олтин тўп» соҳибига айланган ягона дарвозабон, афсонавий Лев Яшиннинг “қуруқ” ўтказилган ўйинлар бўйича рекордни янгилади. Шанба куни Россия чемпионати доирасида ўтказилган ЦСКА - "Томь" (4:0) баҳсидан сўнг 30 ёшли посбоннинг “ноль”га ўтказган ўйинлари сони 161 тага етди.
Ўз вақтида Москванинг “Динамо” жамоаси сафидаги тўп сурган Яшиннинг бу борадаги кўрчаткичи 160 та ўйинга тенг эди. Энди бу борадаги Россия рекорди Акинфеевга тегишли.
Шунингдек, Акинфеев тўп ўтказиб юбормаслик серияси бўйича ҳам абсолют рекорд соҳиби ҳамдир. Унинг бу борадаги натижаси 603 дақиқага тенгдир.
Голкипер ЦСКА сафида олти карра Россия чемпиони ва шунча бор кубок соҳибидир. 2004/05 йилги мавсумда УЕФА кубогида ғолиб бўлган. Ҳаммаси бўлиб, 255 та ўйинда ўз дарвозасидан тўп ўтказмаган. Бу борада ҳам у энг яхши натижа эгасидир.
Игорни бу муваффақият билан Яшиннинг беваси Валентина хоним ҳам табриклади.
 

Биз Twitterда