Россиянинг Владимир вилоятида яшовчи Путин исмли болакайнинг оиласида янги чақалоқ дунёга келди. Унга Шойгу деб исм қўйишди. Чақалоқнинг тўлиқ исми Шойгу Хурмедович Жўраев. Аввалроқ, ушбу оила икки ёшли Расул исмли болаларини Путин деб қайта номлашганди. Шойгу ва Путин ака-укаларнинг фарзандлари ҳисобланишади. Уларнинг ҳар икковига исмни боболари Раҳмон Жўраев танлаган. Унинг сўзларига кўра, чақалоқни Шойгу деб аташни у туғилмасиданоқ ният қилишган. Бу қарорини отахон Шойгунинг Россия давлати қудратининг ошишига қўшаётган ҳиссаси улканлиги билан изоҳлади. Расулни Путин деб қайта номлашни эса у қуйидагича тушунтиради: «Мисрда янги туғилган чақалоққа Путин деб исм қўйишганини ўқиб қолдим. Шундан сўнг, менда нега бизда буни амалга оширмаслик керак, деган савол туғилди».
Бундан ташқари, Жўраевларнинг уйида Путин суратлари акс этган сувенир ва портретлардан иборат музей бор. Оила Александров туманининг Легково қишлоғида истиқомат қилади. Улар Владимир вилоятига Тожикистондан кўчиб келиб, Россия фуқаролигини қабул қилишган.
