Футбол ўйнаган инсоннинг қон босими бир меъёрда сақланиб турар экан. Кони шифо футболдир. Шундай экан фарзандларингизга тўп тепма деманг. Ўзингиз ҳам уларга қўшилиб футбол ўйнанг. Шунда соғлиғингизда муаммо юзага келмайди. Даниялик тадқиқотчилар узоқ изланишлардан сўнг худди шундай хулосага келишди. Футболнинг соғлиқ учун ўта фойдали эканлигини фанда исботладилар.
Тиббиётчи олимлар тадқиқот объекти сифатида қон босими кўтарилиб кетиши билан оғриган кўнгилли аёлларни танлашди. 35-55 ёш атрофидаги бу жамоа ҳафта давомида бир неча марта икки соатдан футбол ўйнаш билан машғул бўлишди. Натижалар шуни кўрсатдики, футбол қон айланиш тизимига фойда берибгина қолмасдан, қон босимини туширишда ва гипертония билан курашда ажойиб восита экан.
