АҚШда жуда кам учрайдиган ҳодиса, танасининг ранги икки хил бўлган эгизаклар дунёга келди. Одатда икки хил ирққа тегишли ота-онадан танасининг ранги икки хил туғиладиган эгизаклар 500 та ҳолатдан биттасига тўғри келади. АҚШнинг Массачусетс штатида яшовчи Дин-Мейерлар оиласида 2016 йилнинг 23 апрель куни шундай эгизак қизалоқлар дунёга келган.
Эгизакларнинг отаси - Томас Дин афроамерикалик, онаси - Уитни Мейер эса асли кавказликдир. Уларнинг туғилиши ота-она учун кутилмаган совға бўлган бўлса, қизалоқлар танасининг икки хил рангдалиги ҳайратга солди. Эгизаклардан бири отасининг, иккинчиси эса онасининг генини олган. Қизалоқлардан бирининг тана ранги оқ, кўзлари мовий бўлса, иккинчиси эса буғдойранг ва кўзлари жигаррангдир. Икки хил ирққа мансуб эгизакларнинг суратини унинг онаси Facebook ижтимоий тармоғидаги саҳифасига эндигина жойлаштирди. Улар қисқа муддат Интернет юлдузларига айландилар. Қизалоқларнинг исми Калани ва Жарани бўлиб, улар ҳозир 9 ойлик бўлди
