Хитой шарқидаги массаж салонида бугун рўй берган катта ёнғин оқибатида 18 киши ҳаётдан кўз юмди. Икки киши эса жиддий жароҳат олди, деб хабар бермоқда ТАСС.
Ёнғин содир бўлган муассаса Чжэцзян провинциясининг Тяньтай уездида жойлашган эди. Интернет тармоғида тарқалган суратлардан кўриниб турибдики, олов қоплаган бинодан қутулиб қолиш учун одамлар ўзларини иккинчи қаватдан ерга ташлашган.
Ёнғиннинг бартараф этилгани ҳамда қурбон бўлган ва жабрланганлар ҳақида ҳозирча расмий маълумот йўқ.
