Халқ денгиздир, халқ тўлқиндир, халқ кучдир

Article
Руминия ҳукумати шанба куни амнистия тўғрисидаги фармонни бекор қилишга қарор қилди. Бу ҳақда Мамлакат бош вазири Сорин Гриндяну халққа телемурожаатида маълум қилди.
Айнан шу фармонни қабул қилиниши натижасида Руминиянинг бир қатор шаҳарларида охирги 25 йил ичидаги энг йирик норозилик намойишлари ўтмоқда, уларнинг иштирокчилари сони 300 минг кишидан ошиб кетди. Бундай кўп миқдорда одамлар Руминия шаҳарлари кўчаларига 1989 йилда диктатор Наколае Чаушеску ағдарилгандан кейин чиқмаганди. Аҳолининг оммавий норозилигига бир ой аввал ҳокимият тепасига келган ҳукуматнинг ушбу фармони қарори сабаб бўлаётганди. Норозиларнинг фикрича, амнистия оқибатида озодликка коррупциялашган амалдор ва сиёсатчилар чиқарди. Бундан ташқари, ҳукумат мамлакат жиноят кодексига ўзгартиришлар киритишга ва коррупциячиларга қўлланадиган жазони анча юмшатишга қарор қилаётганди. Ниҳоят қўзғолган халқ ўз мақсадига етди.

Биз Twitterда