Бугун 21 январь куни Чирчиқ шаҳридаги "Кимёгарлар" маданият саройида Халқ депутатлари Тошкент вилояти давлат ҳокимияти вакиллик органлари депутатларининг бўшаб қолган ўринга Олий Мажлис Сенати аъзоси сайлови бўйича қўшма мажлиси бўлиб ўтди, дея ёзади Ўзбекистон Республикаси ҳукумат портали.
Қўшма мажлисда вилоят давлат ҳокимияти вакиллик органлари депутатлари, Марказий сайлов комиссияси аъзолари ҳамда оммавий ахборот воситалари вакиллари иштирок этди.
Тадбирни Марказий сайлов комиссияси раиси Мирзо Улуғбек Абдусаломов кириш сўзи билан очди.
Яширин овоз бериш йўли билан ўтказилган сайлов натижаларига кўра, Тошкент вилояти ҳокими, Халқ депутатлари Тошкент вилояти Кенгаши раиси Шукурулло Бобоев Ўзбекистон Республикаси Олий Мажлиси Сенати аъзоси этиб сайланди.
Ш.Бобоев 2016 йилнинг 15 декабрида Халқ депутатлари Тошкент вилояти Кенгашининг навбатдан ташқари 18-сессиясида вилоят ҳокими этиб тайинланганди. Сессия ишида президент Шавкат Мирзиёев иштирок этиганди
