Шварценеггер сенатор бўлиб,  Трампни ағдармоқчи

Келиб чиқиши австриялик бўлган актёр, кино юлдузи, Калифорния штати собиқ губернатори Арнольд Шварценеггер АҚШ Конгресси Сенати аъзолиги учун сайловларда иштирок этиши мумкин. Бу ҳақда Politico нашри хабар бермоқда.
Нашрнинг тасдиқлашича, Шварценеггер 2018 йилда сайловларда иштирок этади. Актёр ҳамон ушбу партия тарафдори ҳисобланди, лекин у сенаторликка мустақил номзод сифатида даъвогарлик қилади.
“Темир Арни”нинг расмий вакили Даниэла Кетчелл ҳам бундай эҳтимолий вазиятни тасдиқлади.
АҚШ парламенти юқори палатаси аъзолигига даъвогарликда унга калифорниялик сенатор-демократ Дайэнн Файнстайн рақиблик қилади. У 2018 йилда 85 ёшга тўлади.
Айни пайтда Америка президенти Дональд Трамп ва актёр ўртасидаги қарама-қаршилик ўзининг кульминацион нуқтасига чиқиб бормоқда. Ҳар икки томон бир-бирини танқид қилишдан чарчамаяпти. Шварценеггер амалдаги президентнинг олиб бораётган сиёсатига қарши платформа таклиф этиб, натижада уни “тахт”дан ағдаришни мақсад қилган.

Биз Twitterда