Шавкат Мирзиёев Араб Амирликларига боради. "Манчестер сити" хўжайини БАА Президентининг мактубини келтирди

PHOTO: http://www.president.uz
 
Ўзбекистон Республикаси Президенти Шавкат Мирзиёев 7 май куни мамлакатимизга ташриф буюрган Бирлашган Араб Амирликлари Бош вазири ўринбосари, Президент ишлари бўйича вазир Шайх Мансур бин Зойид Ал-Наҳённи қабул қилди.
Учрашув чоғида Шайх Мансур бин Зойид Ал-Наҳён акаси, БАА Президенти ва Абу-Даби амири Шайх Халифа бин Зоид Ал-Наҳённинг мамлакатларимиз ўртасидаги ҳар томонлама ва ўзаро манфаатли ҳамкорликни кенгайтириш билан боғлиқ эзгу тилаклари битилган мактубини Президентимизга топширгани Дубай матбуотида эълон қилинди. Таъкидланишича, мактубда БАА Президенти Шавкат Мирзиёевни расмий ташриф билан Бирлашган Араб Амирликларига таклиф қилган.
Маълумот ўрнида: Шайх Мансур бин Зоид Ал-Наҳён 2008 йилдан бери Англиянинг «Манчестер Сити» клуби хўжайини ҳамдир.

Биз Twitterда