Порошенкодан янги "қўшиқ": Украина НАТОга кириш учун референдум ўтказади

Article
Украина президенти Петр Порошенко Berliner Morgenрost газетасига берган интервьюсида мамлакатнинг НАТОга кириши учун умумхалқ референдуми ўтказмоқчи эканини билдирди деб ёзади РИА.
“Тўрт йил олдин Украинанинг НАТОга аъзо бўлиши ғоясини аҳолининг 16 фоизи қўллаб-қувватлаганди, ҳозир бундайлар 54 фоиз. Президент сифатида халқнинг фикри билан иш кўрган ҳолда, НАТО аъзолиги юзасидан умумхалқ референдуми ўтказаман. Агар кўпчилик буни ёқлаб чиқса, Шимолий Атлантика блокига қўшилиш учун бор куч-ғайратимни сарфлайман” деди Порошенко.
Сўнгги пайтларда Украинада ноқонуний давлат тўнтариши билан ҳукумат тепасига келган хунтани қўллаб-қувватлаб, Россия билан алоқаларини бузган Европа ва АҚШ аста-секин вазиятдан чиқиб кетиш йўлларини қидираётган бир пайтда Порошенко кун тартибидан тушиб қолди. Ўзини қурбонлик бўлаётганини тушуниб етган Украина президенти НАТОга аъзолик масаласини қайта кўтариб, Россияни Украинага нисбатан кескин чоралар кўришга ундамоқчига ўхшайди. Шунда яна “агрессор зулми остида қолаётган Украина” масаласи бироз долзарблик касб этишидан умидвор бўлса бўлади. Лекин аввалги “иттифоқчилар” энди Порошенкога дастак беришлари амримаҳолдек кўринмоқда. Ҳозирги шароитда улар учун энг мақбули Порошенкони бутун муаммоларнинг сабаби қилиб кўрсатган ҳолда, ўрнига Россия энг камида қарши бўлмайдиган янги президентнинг Украина бошига келишини таъминлаш бўлиши мумкин.

Биз Twitterда