Мирзиёев ва Бердимуҳамедов Амударёнинг икки қирғоғини боғловчи автомобиль ва темир йўл кўприкларини очиб беришди

Article
Ҳар икки маросим ҳақиқий шоуга айланиб кетди. Туркман ва ўзбек миллий дасталари иштирокидаги чиқишлар, концерт дастурлари уюштирилди.
Дастлаб янги технологиялар асосида бунёд этилган 1750 метрлик темир йўл кўприги Шавкат Мирзиёев ва Гурбангули Бердимуҳамедов иштирокида очилиб, ундан илк ўлароқ икки давлат раҳбарлари ўтишди. Кейин эса худди шундай маросим автомобиль кўприги устида уюштирилиб, Мирзиёев ва Бердимуҳамедовлар рамзий лентани қирқиш орқали ҳаракатга старт беришди.
Шундан сўнг ҳар икки мамлакат раҳбарлари дарёнинг чап қирғоғига ўтиб, янги очилган кўприклардаги ҳаракатларни кузатишди. Темир йўл бўйлаб Ўзбекистондан келаётган поезд Туркманистонга кираётгани намоён бўлган бўлса, иккинчи кўприкдан улкан фураларнинг Ўзбекистонга туркман карбамиди, текстил ва бошқа маҳсулотларини юклаган ҳолда ўтиб кетаётганини кўришди.

Биз Twitterда