Бишкек яқинида ҳалокатга учраган самолётнинг Атамбаевга алоқаси йўқми?

Article
Туркияниинг Қирғизистондаги элчиси Метин Қилич Бишкек яқинига қулаган самолётдаги юк Алмазбек Атамбаевга тегишли дея тарқалган маълумотларни инкор қилди. Бу ҳақда Қирғизистон Ташқи ишлар вазирлиги матбуот хизматига таянган ҳолда "Интимак" хабар бермоқда.
Метин Қиличнинг таъкидлашича бундай гап-сўзларда ҳеч қандай асос йўқ. "Бу ҳақиқатга тўғри келмайди. Туркиянинг махсус хизматлари бундай ишламайди. Айниқса ўз логотипи туширилган ҳужжатларни ҳеч кимга беришмайди. Туркияни бу келишмовчиликларга аралаштиргиси келган кимдир бўлса керак. Туркия ҳеч қачон бошқа давлатларнинг ички сиёсатига аралашмайди", - дейди элчи.
Бу баёнот берилгунга қадар мухолиф сиёсатчи Ўмурбек Текебаевнинг адвокати Таалайгүл Токтакунова қулаган самолётдаги юк Алмазбек Атамбаевга тегишли эканлигини исботловчи ҳужжатларни турк ҳукумати томонидан депутатга берганини айтганди.

Биз Twitterда