Путин ва Трампнинг музокаралари бошланди

Россия президенти Владимир Путин ва АҚШ президенти Дональд Трампларнинг узоқ кутилган музокаралари бошланди. Америка раҳбари президентлик курсисига ўтирганидан бери илк бора Путин билан билан бевосита мулоқотга кирди. Фақат ҳозир бу телефон орқали амалга ошмоқда. Бу ҳақда Оқ Уй матбуот котиби Шон Спайсер Twitterдаги микроблогида маълум қилди.
У ўз блогига телефонда гаплашаётган Трампнинг суратини қўйди. Унда Трампнинг олдида вице-президент Майкл Пенс ва унинг миллий хавфсизлик бўйича ёрдамчиси Майкл Флинн, Оқ уй ходимлари аппарати раҳбари Райнс Прибэс ва асосий маслаҳатчиси Стив Бэннонларни кўриш мумкин.
Шунингдек, Спайсер Трамп Путиндан аввал Германия канцлери Ангела Меркель билан суҳбатлашгани ва бу музокара 45 дақиқа давом этганини маълум қилган.
Россия ва АҚШ давлат раҳбарларининг илк телефон мулоқотлари 2016 йилнинг 14 ноябрида бўлиб ўтганди. Ўшанда томонлар бир қатор масалаларни муҳокама этишганди. 

Биз Twitterда