Обама Россияга қарши санкцияларни Украина туфайли узайтирди

Article
АҚШ президенти  Барак Обама жума куни Россияга нисбатан Қрим ва Украинадаги вазият туфайли 2014 йил мартидан эътиборан қўлланила бошланган санкцияларни бир йилга узайтирди. 
13660-рақамли АҚШ президентининг қарори 2014 йилнинг 6 мартида имзоланган бўлиб, кейинчалик бир неча бор бошқа қарорлар билан тўлдирилганди ва Россиянинг жисмоний шахслари ва ташкилотларига қарши жазо чоралари кучайтирилганди.
"Қарорда қайд этилганларнинг ҳаракат ва сиёсатлари, АҚШнинг ташқи сиёсати ва миллий хавфсизлиги учун жиддий хавф туғдиришда давом этмоқда", — дейилади ҳукумат тепасидан кетаётган шахснинг қарорида.
2014 йилда қўлланилган санкциялар 6 март куни якунига етар эди. Обама конгресснинг ҳар икки палатасига хат йўллаб, қарорни узайтирганини маълум қилди.

Биз Twitterда