Байден Украинанинг демократия томон йўлини Ойга учишга қиёслади

Article
 АҚШ вице-президенти Жо Байден 16 январь куни АҚШ ва Украина ўртасида дипломатик муносабатлар ўрнатилганлигининг 25 йиллиги муносабати билан расмий ташриф ила Киевга келди.
Нафақага кетиш арафасидаги ташрифи чоғида Байден Украинани коррупция билан курашиш ва демократик жамият қуришга чақириб, бу жараённи Ойга учиш билан қиёслади, дея ёзади "Апостроф".
Жо Байден президент Жон Кеннедининг “АҚШ Ойга учишни ортга сура олмайди” деган сўзларини эслатиб, украиналиклар ҳам ҳудди шу каби “янги демократик давлат қуришни ортга сура олмайдилар ва буни истамайдилар”, дея таъкидлади. Унинг сўзларига кўра "Украинанинг тобе ва кучсиз бўлиб қолиши учун Россия Украинага босим ўтказиш дастаги сифатида коррупциядан фойдаланмоқда".
Президент Петр Порошенко билан учрашув якунларига бўйича ўтказилган брифинг чоғида у шунингдек, бошланган йил Украина учун мураккаб бўлишини таъкидлади ва мамлакатда ислоҳотлар ўтказиш зарурлигига алоҳида урғу берди.
2016 йилда Transparency International эълон қилган коррупцияга мойил давлатлар индекси да Украина 167 мамлакат орасида 130-ўринга қўйилганди ва хулосада “Европада Украинадан кўра кўпроқ коррупциялашган давлат йўқ”лиги эътироф этилганди, деб ёзади РИА.

Биз Twitterда