"Ўзбек йўлбарслари"га: Кубада шундай наъра тортингки, Ғофур Раҳимовга қарши кампания бошлатган АҚШ иштонини ҳўлласин!

 
Дунё боксининг афсоналаридан ташкил топган “Ўзбек йўлбарслари” (Uzbek Tigers) жамоасимиз Жаҳон бокс серияси (WSB) 2018 йилги мавсумининг илк учрашувини ўтказиш учун Кубага жўнаб кетди.
Куба пойтахти Гаванадаги Coliseo de la Ciudad Deportiva спорт мажмуасида 9 февраль куни Cuba Domadores (Кубалик ҳайвон ўргатувчилар) жамоаси билан бўлиб ўтадиган беллашувда Тўлқин Қиличев мураббийлигидаги жамоамиздан, 52 кг.да Худойназар Файзов, 60 кг.да Шунқор Абдурасулов, 69 кг.да Махмуд Гаипов, 81 кг.да Мадиёр Саидрахимов ва +91 кг вазнда Баҳодир Жалолов рингга чиқади.
Ҳамюртимиз Ғофур Раҳимовнинг яқинда бўлиб ўтган AIBA Конгрессида Халқаро Бокс Ассоциациясининг вақтинчалик президенти этиб сайланиши ортидан АҚШ матбуоти томонидан унинг номини қоралаш билан боғлиқ катта бўҳтон кампанияси бошланган бир пайтда АҚШнинг шундоқ биқинида бўлиб ўтадиган бу беллашувга шайланган “Ўзбек йўлбарслари”дан илтимос қилиб қоламиз: Кубада шундай наъра тортингки, Ғофур Раҳимовга қарши кампания бошлатган АҚШ эшитиб қўрқувдан иштонини ҳўлласин!
Дилмурод Жумабоев

Биз Twitterда