“Пахтакор” тарихида Фабиано Андерсон ва Фабио Пинтодан кейин учинчи бразилиялик футболчи бўлган ҳужумчи Тиаго Безерра, фаолиятини Туркиянинг биринчи лигаси (Суперлигадан кейинги иккинчи дивизион) да ўйнаётган “Денизлиспор” клубида давом эттиришга яқин турибди.
Биринчи даврадан кейин 14 очко хавфли зонада, 16-ўринда бораётган “Денизлиспор”, ҳужумчи муаммосини ҳал этиш учун Тиаго Безеррани трансфер қилишни асосий мақсад қилиб қўйгани маълум бўлди.
Авваллари Туркияда тўп сурган Тиаго, “Алтай”, “КСК”, “Аданаспор” ва “Адана Демирспор” жамоалари формасида 183 та ўйинда майдонга тушиб, 70 голга муаллифлик қилгани, “Денизлиспор” раҳбариятига бу ҳужумчи уларнинг муаммосини ҳал этиб беришига ишонч бермоқда.
© Vodiy Media
