Технопарк ва Борис Ельцин маркази билан танишув

Наманган вилоят ҳокими Хайрулло Бозоров бошчилигидаги вилоят делегацияси Россиянинг Сверловск вилоятига 26 март кунининг тонгида етиб келди.

Екатеринбургда делегацияни Сверловск вилояти ҳукумати расмий вакиллари ҳамда «Урал ўзбеклари иттифоқи» раҳбари З.Оллобергановлар кутиб олишди.

Режага асосан делегация аъзолари «Университетский» технопаркига ташриф буюришди. Замонавий техниика ютуқлари билан жиҳозланган технопаркни директор ўринбосари М.Нуриев таништирди.

Айтиш жоизки, мазкур технопаркдаги ўзаро тажрибалар алмашилганлиги нафақат ҳамкорларимиз учун балки бизнинг тадбиркорларимиз учун ҳам аҳамиятли бўлди.

Шунингдек, кун давомида Екатеринбургда жойлашган Россия федерациясининг биринчи Президенти Борис Ельцин марказига саёҳат уюштирилди.

Кун якунида ўзбекистонлик меҳмонлар учун «Урал ўзбеклари иттифоқи» жамоат ташкилоти томонидан юқори савияда маданий дастур ташкил этилди.
Ҳожиакбар Паттаев,
vodiymedia.uz  учун Екатеринбургдан махсус

Биз Twitterда