Шотландиянинг "Хартс" клуби ҳужумчиси Исмаэл Гонсалвеш «Пахтакор»га ўтяпти

 
Шотландиянинг “Хартс” клубида тўп сураётган португалиялик ҳужумчи Исмаэл Гонсалвеш (Esmaël Gonçalves) 600 минг фунт стерлинг (850 минг АҚШ доллари) трансфер тўлови эвазига Тошкентнинг "Пахтакор" клуби сафига ўтяпти. Бу ҳақда шотланд ОАВлари хабар берди.
26 ёшли ҳужумчи, Португалиянинг “Боавишта” клуби тарбияланувчиси ҳисобланади. Франциянинг "Ницца" жамоасида ўз футбол фаолиятини бошлаган. Турли йилларда Португалиянинг “Риу Ави”, Шотландиянинг “Сент-Миррен”,  Грециянинг “Верия”, Кипрнинг “АПОЭЛ” ва “Анортосис”, Саудия Арабистонининг “Ал-Иттифоқ” клубларида тўп сурган. Шотландиянинг “Хартс” клуби сафига 2017 йил бошида қўшилган Исмаэл Гонсалвеш, 35 ўйинда майдонга тушиб, 13 голга муаллифлик қилган.
"ИСМА" лақаби билан танилган ўйинчи, Португалия ўсмирлар терма жамоасида 3 та ўйинда иштирок этган. 

Биз Twitterда