Павел Пуришкин Индонезиянинг ПСМ Макассар клуби билан шартнома имзолади

 
Ўзбекистонлик футболчи Павел Пуришкин Индонезиянинг олий лигаси – Лига 1'да тўп сураётган "ПСМ Макассар" клуби билан шартнома имзолади. Бу ҳақда Индонезиянинг BolaSport нашри хабар қилади.
Жанубий Сулавеси вилоятининг жамоаси ҳисобланган "ПСМ Макассар"ни франциялик мураббий Роберт Альбертс бошқаради.
“Пахтакор” клуби тарбияланувчиси ҳисобланган 28 ёшли Павел Пуришкин 2011 йилдан бери Қозоғистон футбол клубларида тўп суриб келарди. Унинг Қозоғистондаги сўнгги тўп сурган жамоаси биринчи лига вакили – “Каспий” клуби бўлди.
Пуришкин 2016 йилда Малайзиянинг иккинчи дивизиони вакили, "UiTM F.C." таркибида тўп суриб, 17 ўйинда 14 тўп киритишга муваффақ бўлганди. Индонезиялик футбол мутасаддилари унинг айнан шу қўшни чемпионатдаги иштирокини эслаб қолишганга ўхшайди.

Биз Twitterда