Ўзбекистон чемпионатида 2010 йилдан 2014 йилгача оралиқлар билан “Машъал”, “Динамо” (Самарқанд) ва “Навбаҳор” жамоаларида тўп суриб, футбол мухлисларига яхши таниш бўлган беларуслик Николай Риндюк ўз футболчилик фаолиятини якунлагач, мураббийлик касбини танлаганди.
2015 йилдан Беларусь чемпионати биринчи лигасида тўп сураётган “Сморгонь” жамоасини бошқариб келган Риндюкка нисбатан Беларусь футбол федерацияси ҳакамлик ва инспекторлик департаментининг собиқ бошлиғи, ҳозирда пора эвазига ўйинларга “керакли” ҳакамларни тайинлаб берганлиги учун қамоқ жазосини ўтаётган Андрей Жуков билан келишиб, “Сморгонь”нинг 2016 йилдаги маълум бир ўйини учун аниқ бир ҳакамни тайинланишига эришгани ва бунинг эвазига Жуковга 100 евро бергани учун жиноий иш очилди. Бу ҳақда Беларусь нашрлари хабар берди.
Маълумот учун айтиб ўтиш керак, Жуков айнан ўша 100 еврони олаётганда қўлга олинганди.
