Наманганлик ёш боксчилардан Россиядаги халқаро турнирда бир олтин, икки кумуш медаль!

 
24-27 январь кунлари Россиянинг Оренбург шаҳрида бўлиб ўтган 17-18 ёшли ўсмирлар ўртасида Шимолий Округ соврини учун ўтказилган XXII Бутунроссия очиқ турнирида Наманганлик ёш боксчилар муваффақият билан иштирок этиб, бир олтин, икки кумуш медални қўлга киритишди!
Россиянинг Оренбург, Новотроицк, Соль-Илецк, Бузулук, Уфа, Жигулевск, Сосногорск, Сыктывкар шаҳарлари, Қозоғистоннинг Актау, Актобе ва Чимкент вилоятларидан ҳамда Намангандан жами 80 спортчининг иштирокида ташкил этилган турнирда ҳамюртларимиздан 52 кг. вазнда рингга чиққан Темурбек Деҳқонов финалда новотроицклик Нарек Бадалянни енгиб олтин медал эгасига айланди. 64 кг. вазнда Дилшодбек Исроилов Руслан Абызовга, +91 кг. вазнда Жамшидбек Маҳамадалиев Дмитрий Куликка имкониятни бой бериб кумуш медаль соҳиби бўлишди. Ҳар икки рақибнинг ҳам мезбон - Оренбург шаҳри вакили эканини ҳисобга олсак, йигитларимизнинг иштироки аслида жуда муваффақиятли бўлганини англаб етамиз. Буни ташкилотчилар ҳам эъитоф этган ҳолда, Дилшодбек Исроиловни Оренбург вилояти бокс федерацияси президентининг совринига лойиқ кўришди.

Биз Twitterда