Ўзбек бокси тарихида оламшумул натижа қайд этган иқтидорли боксчи, юртнинг мард ўғлони Муроджон Аҳмадалиевни бугун Наманганда катта тантана билан кутиб олинди. Қамчиқ довонидаги вилоятнинг рамзий дарвозасида ҳокимлик ва давлат ташкилотлари, кенг жамоатчилик ва оммавий ахборот воситалари вакиллари иштирокидаги маросим кўтаринки шукуҳда ўтди. Сўнгра Аҳмадалиевнинг вилоят бўйлаб турнесига старт берилди.
Хабарингиз бор, 31 январга ўтар кечаси Муроджон Аҳмадалиев профессионал бокснинг иккинчи ярим енгил вазн тоифасида АҚШда икки йўналиш чемпиони бўлиб турган америкалик Даниэль Романга қарши чемпионлик жангини ўтказиб, ғолиби деб топилганди.
Бу эса Аҳмадалиевга Ўзбекистон тарихида илк марта бир йўла иккита чемпионлик камарини қўлга киритишга замин яратганди.
