Айни пайтда Ўзбекистон халқ артисти Юлдуз Усмонова “Истиқлол” санъат саройида бериладиган концертга жуда жиддий тайёргарлик кўрмоқда.
vodiymedia.uzнинг шу жараёнда бевосита иштирок этаётган, примадоннага яқин манбаларининг таъкидлашича, Юлдуз Усмонова чарчаш нималигини билмай ишламоқда. “Юлдуз опага қойил қолмай иложимиз йўқ. Чунки, улардаги энергия тўлиб тошиб ётибди. Концертнинг ҳар бир детали уларнинг эътиборида. Оммавий чиқишлару, рақс дастурларига бой тарзда ўтадиган концертнинг бош режиссёри опанинг ўзи десам ҳеч ҳам муболаға бўлмайди. Узоқ йиллик танаффусдан сўнг ўтаётган бу тантана ҳақиқий байрамга айланиб кетишига сизларни ишонтира оламан”, - дейди манбамиз.
Режага кўра концерт, 11-23 апрель кунлари ўтказилиши лозим эди. Сўнгги маълумотларга кўра, у бир кунга кўпайган. Дастур 10 апрелдан бошланади. Чипталар 20 мингдан 350 минг сўмгача бўлган нархларда сотилмоқда.
©vodiymedia
